Saúde bucodental no Colexio Jorge Juan

O pasado martes, 13 de novembro, o alumnado de primeiro e segundo de Primaria participou nunha charla sobre saúde bucodental na biblioteca do colexio, organizada dentro do proxecto de centro Educación para a Saúde.

A actividade foi impartida pola doutora Loreto Pérez, quen dun xeito ameno e didáctico explicou a importancia dunha boa hixiene bucodental, os efectos dos alimentos azucrados nos dentes e outros aspectos clave para coidar a nosa saúde. Ademais, o alumnado tivo a oportunidade de resolver as súas dúbidas nunha animada rolda de preguntas.

Desde o colexio, queremos agradecer á doutora Loreto Pérez a súa colaboración desinteresada, así como o agasallo de material de hixiene bucal para todos os asistentes, un xesto que reforzou o carácter práctico da sesión.

Seguimos traballando por unha educación integral que inclúa o benestar e os hábitos saudables do noso alumnado.