Día da Familia

Hoxe, 15 de maio, celébrase o Día da Familia, unha data especial na que se honra e se recoñece o valor deste núcleo fundamental nas nosas vidas. Nesta ocasión, o alumnado máis novo quixo facer algo especial para sorprender ás súas familias e demostrarlles canto as queren.

Con moito entusiasmo e creatividade, usando materiais simples os nenos e nenas elaboraron un agasallo moi especial para agasallar a súa familia.

Ademais de gozar do proceso creativo, o alumnado aprendeu valores como o traballo en equipo, a solidariedade e o amor pola súa familia. A idea de facer un agasallo para o Día da Familia non só serve para fortalecer os lazos familiares, senón tamén para fomentar a expresión creativa e o desenvolvemento de habilidades manuais e artísticas nos máis pequenos.

O Día da Familia é unha oportunidade para lembrar o importante que é a familia nas nosas vidas e para demostrarlles o noso cariño e aprecio. Os nenos e nenas de infantil e do primeiro ciclo de primaria entenderon perfectamente e regaláronnos a súa arte e amor en forma dun agasallo único e personalizado.

Feliz Día da Familia a todos!

Galería de imaxes