Post ID: 8764

Este xoves, 20 de marzo, o noso alumnado de Educación Primaria gozou dunha masterclass de Baile Urbano impartida por dúas profesoras da escola Un Paso Adelante, de Narón.

A través desta actividade, os estudantes tiveron a oportunidade de descubrir os fundamentos do baile urbano, explorando movementos, ritmo e expresión corporal dunha forma dinámica e divertida. Ademais de pasalo en grande, esta experiencia permitiulles desenvolver a coordinación, a creatividade e a confianza en si mesmos.

O baile urbano non só é unha actividade lúdica, senón tamén unha ferramenta educativa valiosa que fomenta o traballo en equipo, a disciplina e o benestar físico. Sen dúbida, foi unha sesión chea de enerxía e aprendizaxe!

Desde a Jorge Juan de Perlío queremos expresar o noso agradecemento ás profesoras que viñeron compartir connosco esta experiencia, polo seu entusiasmo e dedicación, así como á escola Un Paso Adelante por facelo posible. Moitas grazas!